Mapes

Vê-que una mapa du teritouèro de la lengoua arpitana, ètablia par lo linguisto Gaston Toualyon. Ceta mapa est una bôna ressôrsa, mas ele conyêt pas una granda prècision, tanqu’u nivél comunalo. Ceti fêt a éta yona de les rêsons dèrriér la crèacion de GeoArp.

Mapa du teritouèro de la lingoua arpitana.

Por remèdiyér ceta fôta de prècision, GeoArp s’est balyê l’objèctif de dètèrmenar los tèrmenos de l’Arpitan jusqu’u nivél communâl. Los travâlys vèrs ceti objèctif sèrvont en mèmo temps des ovrâjos linguisticos ja ègzistent et des novéls travâlys (ou fâre du tèrren), avouèc des associacions locâles et des patouesants.

Los rèsultâts de ceti travâly sont entrâs diens noutra bâse de donnês et en mèmo temps diens un fichiér .kml por pèrmetre une pllês granda accessibilitât de cetos rèsultâts. Los travâlys sont pas chavonâs : diens cèrtênes règ·ions (coment lo Dôfinât ou la Romandia) lo tèrmeno est bien dèfini, mas diens d’ôtros (coment la Franche-Comtât) lo tèrmeno est pas cllâr por lo momènt. En desot vos povêds vêre un bocon de la novèla mapa, au mijorn de Grenoblo.

Mapa de los tèmenos de l'arpitan au mijorn de Grenoblo.