L’Ofiço

L’Ofiço G·eografico Arpitan, ou oncor dét GeoArp, est n’associacion de g·eografia et de toponimia du tèrritouèro de la lengoua arpitana (diont tot-pariér francoprovençâl ou patouès). GeoArp ‘l at por objèctîvo de recuelyir totes les enformacions que tochont la toponimia, la microtoponimia et pués la g·èografia de les comenes de France, de Suisse et d’Ètalie que ant por lengoua règ·ionâla et tradicionèla: l’Arpitan. Cetes enformacions, nos volens dês iqué pués mielx les rendre accèssibles u grant public. Ceti travâly, qu’est après sè fâre, ‘l est fét por emparar un patrimouèno de tota colèctivitât humèna; un patrimouèno imatèrièl franc recho et més que milyénèro, que reprèsente nouhtra lengoua arpitana.

Houè, l’ôvra de GeoArp ‘l est en rèsumâ:

  • La crèacion de la lista complèta de les comenes que sont de lengoua arpitana,
  • La rècôrta de la prononciacion fonetica des nioms de les comenes en arpitan,
  • La promocion de la signalisacion bilengoua.

GeoArp est asse-ben membro de la Fèdèracion du Francoprovençâl (cf. son articllo a la gazèta oficièl des Associacions de France).

Por més d’enformacions, vos povéd avouéc consultar nouhtra Charta Fondatrice.

Comentèros lègâles.